د افغانستان د ۱۶ کلنو فوټبال ملي لوبډله په کابل کې تر تمریناتو وروسته نن غرمه عمان ته رهي شوه.
دا لوبډله تر په شپږ ورځني تمریناتي کمپ کې تر ګډون او د عمان د ۱۶ کلنو فوټبال لوبډلې سره تر لوبېدو وروسته ازبکستان هېواد ته روانېږي او د مرکزي اسیا د ۱۶ کلنو په فوټبال سیالیو کې ګډون کوي.
ټاکل شوې ده، چې دا سیالۍ په چنګاښ کې د ازبکستان په پلازمېنه تاشکند کې ترسره شي او افغانستان به د همدغې میاشتې پر ۱۴، ۱۶، او ۱۸ نېټه له ازبکستان، تاجکستان او ترکمنستان سره ولوبېږي.