هلمند فوټبال فدراسیون د دغه فدراسیون د ۱۳۹۶ کال غوره کارکوونکي او لوبغاړي وستایل

18 ليدلي
جدی ۱۷, ۱۳۹۶
ولایات

 د هلمند فوټبال فدراسیون د دغه ولایت د ۱۳۹۶ کال غوره کارکوونکي، لوبغاړي، لوبڅاران او امنیتي ځواکونه د ۱۳۹۶ کال د مرغومي پر پنځلسمه وستایل. د نوموړو د ستاینې په موخه په جوړه شوې غونډه کې د ولایتي شورا استازیو، مدني ټولنې فعالانو او په سلګونه فوټبال لوبغاړو او مینه والو ګډون کړی و. د دغې ستاینغونډې په ترڅ کې په هلمند ولایت کې د ۱۳۹۶ کال غوره ګول ساتونکی، ګول وهونکی او همداراز د کال غوره لوبډله هم غونډې ته وروپېژندل شوه او د هلمند فوټبال فدراسیون له خوا ورته ستاینلیکونه، کپونه او مډالونه ورکړل شول

د کال غوره لوبغاړی: غلام رسول فضلي

غوره ځوان لوبغاړی: هدایت الله مبارز

غوره ګول ساتونکی: بسم الله الهام

غوره ګول وهونکی: عبدالواحد نورزی

د کال غوره ګول: نبي

غوره اخلاقي لوبغاړی: ذاکر حسین

غوره لوبډله: انصاري

غوره اخلاقي لوبډله: نوي یاران

غوره لوبډلمشر: عبدالولي باور

غوره روزونکی: شیر احمد

غوره ځوان روزونکی: ضمیر احمد صدیقي

د کال غوره فوټبال مینه وال محمد حسین



د افغانستان فوټبال فدراسیون په اړه

د افغانستان فوټبال فدراسیون په افغانستان کې د فوټبال اداره کوونکی بنسټ دی. دغه بنسټ په ۱۹۲۲ کال کې تاسیس شوی او اوسمهال د اسیا فوټبال کنفدراسیون غړی دی.